Poesie in dialetto "Fossatese"
Pubblicazione delle opere di Pellicanò Antonino
Ora che non ci sei, salgono alla mente, come un mare in tempesta i ricordi. Il vuoto che hai lasciato negli affetti non potrà essere mai colmato. Eri immenso, nei tuoi difetti e nei tuoi pregi, pur sempre la guida, il faro che ci illuminava la nostra notte buia. Tutti noi abbiamo fatto riferimento a te come: fratello, padre, nonno, zio, cognato amico. Non sarà facile dimenticarti, anche se i nostri umani pensieri saranno in altra direzione, tu sarai sempre presente nella nostra quotidianità.
(I Tuoi figli, le tue nipotine, le tue sorelle, i tuoi fratelli, i tuoi nipoti, i tuoi pronipoti, e tutti i tuoi amici)
|
Com'era
fest'e Madonna !
Oh Madonna
cu li manti,
tu
proteggi a ttutti quanti!
Cu sse'
uri di caminu
nu rrivamu
vernaddi.
Nc'è ccu
veni a ppedi scazzi, (*)
nc'è ccu
porta u sceccareddu.
Atri
veninu da Chiana,
nu viaggiu
cu treninu;
u cchiù
randi a Mamma chiama
fandi luci
ndo caminu.
Oh Maria cu ttutti i manti,
duna pani a tutti
quanti.
ogni ttantu ndi
firmamu:
vinu rrussu nde hjaschetti,(1)
campaneddi e mmurtaretti.
Mamma
bella u vostr'aiutu,
vi purtamu
carchi gutu;
vi ddumamu
tri candili
e ddurmimu
nde ggiardini,
fati a
razzia pi stu mutu, e, parrati o Bbambineddu,
n'atra
razzia o zzoppareddu.
Si Mmaria ndi fici a
razzia
mi rrivamu nsin'accani,
tuttu u mundu la rringrazzia
e nci cerca 'mmors'i pani.
Pilliggrini simu tutti,
Oh Maria,
Mamma Cunsolu!
E facimu a
prucissiuni " a calata",
ndo stratuni (2)
E ddill'Erimu
a Matrici,
Nc'esti a
Mamma chi ndi chiama,
chi ndi
gguarda e ndi proteggi,
chi ndi
teni sutt'o mantu
|
nci cantamu a
litania,
e ggridamu
a fforti bbuci,
Oh Maria
Cunsulatrici!
E nniscimu ndi sta chiazza
mi vidimu carchi ccosa:
I sta parti li
cardoli,
cchiù ddavia li bbagnaroti.
Frittuleddi e ciaurrina, (3)
nsuddiceddi i Siminara.
Ficarazzi
e tambureddi
sutt'all'arburi
du Domu,
a
Sanfulippu,
bbumbuleddi
calia
cotta a 'ccomu e 'ccomu! Pidd'avia pu
Cumunali nc'è ccu fila
a ciurrina. (3) Chi ggiganti
mpiriali bballa puru a
gnura Rina (°) Sutt'all'arburi
da villa nc'è ccu
canta a viddanedda nc'esti puru
a figghi'e Prilla (°°) chi ssi
lliscia a vesticedda.
Ndi facimu na bballata,
organettu e tambureddu;
po' ccattamu u cannistreddu,
frischialetti pi niputi (4)
l'ocarina pu zzi Ninu.(5)
Ddu chitarri e u mandulinu,
sona puru u janculinu;(6)
ciarameddi e ttripudinu,
na cazzusa e 'nquart'i vinu.
Quandu rriva menzanotti,
pi dda bbasciu nci su i bbotti.
Pi cchist'annu
orma' finiu,
a nn'atr'annu
nu turnamu
sempri si
nd'aiuta Ddiu!
Sempri cu
ll'aiutu i Ddiu, |