U PROGRESSU
Na vota nui cotrari, iani a “Nunziata”,  
doppu chi nesjamu da scola,
facjamu na rota a mmenzu a strata,
e jocavumu cu pirillu e ca mazzola.
Mo’ ‘ndavi assai divertimenti,
giocattuli, computer e telefonini.
Però non c’è rispettu pi parenti,
e mancu si canusiunu i vicini.
Quando s’arrivava a diciott’anni,
cu jia a Torinu, e cui jia a Milanu,
e si fatigava pi na para d’anni.
pe nnui e pa famigghja m’aiutamu.
I giuvinotti d’oji su cangiati,
non vannu a Torinu e no a Milanu;
campunu chi sordi di li pinzionati,
e stannu arrocculati supa a nu mignanu.
Si volivi ‘i ti zzitji cu na figghjola,
‘ndavivi prima mi ‘nci mandi na ‘mbasciata,
mò vannu cu tutti ‘i cosi ‘i fora,
e amuri u fannu puru strata, strata.
Pe mmia chistu è u tempu du vavalaci,
perciò stu progressu, no … non mi piaci …!!!!

Frank Sainato - Albany (USA)

   "NATTU NIPUTEJU"

VUI NO NCRIDITI, CU QUANTU PREJU,
 DOPPU CCHJU I NU JORNU NTO SPITALI.
 
 ASPETTI U NESCI, NATTU NIPUTEJU,
 CHI TI FACI DI GIOJA MU TA SCIALI.
 
 ERA U PRIMU I MAJU A MMATINATA,
 QUANDU ERA HA FESTA DI LAVURATURI.
 
 SENTU ARRIVARI NA TELEFONATA,
 VENITI! CA NCIGNARU LI DOLURI.
 
 E JAMU PRESTU PRESTU ALL'USPITALI,
 E FIGGHJMA ERA GIA` RICOVERATA.
 
 CA SI SENTIA VERAMENTI MALI,
 CU CCHIJA PANZA GROSSA TUTTA UNCHJATA.
 
 NCI DOMANDAVI, QUANTU TEMPU ANCORA?
 E U MEDICU MI DISSI: ASPETTATI.
 
 U SAPITI, CA QUANDU E`PRIMALORA,
 DI VOTI NCI VONNU PURU DDU JORNATI.
 
 DOPPU CHI PASSAU, CCHJU`I NA JORNATA,
 NESCJU NA MPERMERA, CU CAPPEJU.
 
 NDI DISSI U JAMU JANI ALLA VITRATA,
 SI VOLIMU U VIDIMU U FIGGHJOLEJU.
 
 QUANDU ARRIVAMMA JA`, NDI FICI POSTU,
 MADONNA! CHI BEJU NIPUTEJU.
 
 NCI DISSI HA MUGGHJERIMA: E`SANGU NOSTU
 E`DEU U GUARDAVA, E`PARIA U BOMBINEJU.
 
 FRANK SAINATO DA ALBANY.

 

EU  SOTTOSCRITTU

A FINI I CHIJA GUERRA SCELERATA,
PATRIMA SI RICOGGHJU DA PRIGIONIA.

E MAMA, CHI CU IJU ERA SPUSATA,
DOPPU NOVI MISI,  NDEPPI  A MMIA.

MI CRISCIRU CU GIOIA E CU AFFETTU,
MI DETTURU AMURI E DUCAZIONI.

PEMMU  PORTU O PROSSIMU RISPETTU,
E PURU U FAZZU SEMPI COSI BONI.

E`DEU SEMPI ACCUSSI`JIVI FACENDU,
E`U FAZZU PURU MOI CHI SU MBECCHJATU

I CHIJU CHI MPARAVI SU`CUNTENTU,
E PPE CUNZIGGHJ SOI NCI SUGNU GRATU.

MO' CHI ARRIVAVI NTA SESSANTINA,
MI MISI PURU EU CU L'INTERNETTI.

E`SENTU RADIU GAMMA SIRA E MATINA,
PA MUSICA ITALIANA, E PE MUTTETTI.

U SABATU MA SCIALU  VERAMENTI,
CU JU PROGRAMMA, CHI FACI MAURIZIO.

PECCHI E`FATTU CU TUTTI I SENTIMENTI,
CA IJU E`ONESTU E CHINU DI GIUDIZIU.

VABBO`: MI FERMU CCA, NO VAJU AVANTI,
NA BRACCIU, E NU SALUTU A TUTTI QUANTI.


FRANK SAINATO DA ALBANY.
 

A festa i  navota

Nta simana da Nunziata,
gruppi i campagnoli interi,

Jianu a chjesa alla sirata,
pemmu dinnu li preghieri.

E i cotrari ja`nta ruga,
aspettavamu pari pari.

U fujimu tutti quanti,
arretu a li tamburinari.

Verzu a fini da simana,
arrivavanu i ferari.

E`ndavìanu tanta rrobba,
peccu`sa`potia accattari.

Quandu cuminciava a pricessioni,
ncera quasi tutta a geiusa.

E`si cantavanu orazioni,
accumpagnati da banda pilusa.

I giuvaneji tutti a filata,
cantavanu i stamanera.

Maria dilla Nunziata,
quantu si beja tu`.

Tu fusti disignata,
la matri di Gesu`.

Mo`cangiaru i tradizioni,
e`cangiaru puru a festa.

Puru se`i cosi non vannu boni,
a Madonna e`sempi a stessa.

Frank Sainato da Albany.

" E` FIMMANEIA"

   Pe`la gioia di lu patri,
e`da mamma specialmenti.

  Ndi nesciu na fimmaneia,
 emmo`simu tutti cuntenti.

  Ca u masculu gia`ncera,
   e`ogni jornu vaji avanti.

  Esti na ricchizza vera,
puru quandu faci u birbanti.

Mamma e` patri su`cuntenti,
ca a famigghja esti furmata.

   Mo`non e`comu navota,
u si ndannu figghjoli a murrata.

Nta stu mundu chesti modernu,
   i spisati sunnu tanti.

  E`nci vonnu assai dinari,
  pemmu si poti tirari avanti.

Ma, quandu crisci sta figghjola,
  a studiamu pe abbocatu.

  Chesti niputi di Sansaloni,
  e`da famigghja Sainatu.


Frank Sainato da Albany

Frank e i suoi fratelli