|
FUSSATOTI PINSIRUSI 7 Giovanni, Carmelo e …….. l’ Utopìa
Quel pomeriggio, quando giunsero in piazza, Giovanni e Carmelo ebbero una sgradita sorpresa. La solita panchina non era al solito posto. Notarono che era stata sradicata e spostata verso la finestra del Municipio. Sembrava malconcia. Essi pensarono subito che fosse stata opera di qualche balordo vandalo sabotatore, qualcuno che, in un impeto di contestazione, avesse voluto manifestare il suo dissenso. Scartarono subito il pensiero ragionando che in paese siffatte specie di personaggi non ci potevano essere. Elaborarono altre teorie. Tra l’altro accanto alla panchina notarono anche il lampione divelto. Che sarà successo?….pensavano in simultanea….. Poveracci non erano a conoscenza che il camioncino di mastro Gio’ una mattina si era messo in moto ma non aveva alcuna intenzione di frenare, ….. e stava affrontando una brutta discesa! Per fortuna il mastro aveva già i riflessi svegli e non ci pensò due volte a sterzare a sinistra. Travolse il lampione, travolse la panchina ma allontanò la possibilità di avere un brutto incidente dalla conseguenze disastrose. Quando furono messi al corrente di questo evento Giovanni e Carmelo dissero: - Menu mali ……. e presero posto sui gradini. C’era, comunque, qualcosa che non quadrava. Carmelo: Giovanni chi ti sta succidendu…… Giovanni: Pirchì, chi nci vidisti? Carmelo: Chi nci vitti….vitti c’ancora non tirasti fora a pipa. Ta spirdisti a casa o ncintra carcosa u medicu….. Giovanni: Ma chi medicu e medicu… a dassai apposta a casa… Carmelo: …e comu mai, ndavivi atri pinseri pa testa…. Giovanni: Ndaviva ndaviva…..eccomu si ndaviva….. Carmelo: ….e vo’ parrari cu mmia….guarda casu manch’eu mi purtai u sicarru… Giovanni: Mi pariva chi non eri tantu o postu, apposta non ti vidiva giustu… Carmelo: … e va bbonu… vol diri chi oi non si fuma…dai tira fora ssi pinseri… Giovanni: Pinsava…pinsava… quant’era bellu nu mundu senza mali…. aundi tutti tutti lavuravuno pi tutti… e tutti ndavivinu u bastanti… aundi u beni si spartiva an quattru … aundi non nc’era sofferenza…nenti mali e nenti malatii…nenti ricchi e nenti poviri…nenti caini e nenti abeli ma beni pi tutti…janchi, niri, gialli, ndiani e maori…. Carmelo: Ohè, Giuvanni,ti ddurmintasti, ti sta nsunnandu rrussigghjti, dassa stari si pinseri, chissu esti nu sonnu, nu sonnu chi non pot’essiri… Giovanni: No’ staju dormendu, sta’ tranquillu… pinsava sulu a bbuci adda e tu mi sintisti…e dè vuliva mi mi senti…. Carmelo: Ti sintìa ti sintìa… eccomu ti sintìa…ma ssi pinseri toi sunnu utopìa… capiscisti… sunnu utopìa……… Tu pensi forsi cu lupu poti stari a mmenz’ e pecuri mi nci cunta i barzelletti...ch’i liuni currunu chi bbufuli e ppo’ si mentinu a ballari,pensi ch’i cacciaturi vannu a caccia e llongunu u fucili mi fannu ppollajari i turturi, pensi cu cuccodrillu nci faci a guardia e’ gnu quandu passunu ndo fiumi, pensi chi l’aquila nci batti l’ali e’ lepiri e a vurpi ridi chi jadhini ???????? Eccu quarda quantu punti interrogativi ti misi! Giovanni: Dassa stari l’interrogativi e pensa…. Pensa quant’era bellu nu mundu senza guerri, senza missili, senza bumbi e sommergibili, senza surdati e senza carrarmati…. Carmelo: Bravu Giuvanni, dicisti nu mundu, ripetu nu mundu, non dicisti u mundu e chissu mundu chi dicisti forsi non è di chistu mundu…. Giovanni: Eppuru eu vogghju mi criu chi prima o poi carcunu rriva… mi vidi tutti chisti cosi. Non vogghju robbinuddi chi robbunu e’ rricchi pi mi nci dununu e’ poviri, vuliva mi sunnu i rricchi, ginirusi, mi spartunu cu cu’ ndeppi menu furtuna. Vuliva nu mundu senza reguli … Carmelu: Ma chi sta’ dicendu Giuvanni, nu mundu senza reguli, senza leggi….. ma ti rendi cuntu…..sunnu cosi i ll’atru mundu… Giovanni: Eppuru bastava pocu. Na sula palora pi riassuntu….. Carmelo: E tu pensi chi basta na palora mi menti o postu i cosi? E quali sarebbi sta palora? Giovanni: Rispettu…..chista è a palora. Si tutti ndavivinu rispetto unu cu n’atru, si tutti rispittavunu i cosi…..l’animali….l’arburi…..a natura stessa, ndo mundu non nc’erinu problemi. Non nc’era bisognu di reguli, non nc’era bisognu di leggi. I cosi jvinu comu avivimu a jhri senza bisognu di cuverni, di borsi e di muniti. Carmelo: Giuvanni mi pari chi stai sbantasiando. Mi pari nu malatu chi sbantasìa da tanta frevi o ti sta’ nsnnandu a occhi aperti. Sicundu tìa u barcaru passa u fiumi ca’ barca e porta u lupu i ll’atra parti e dassa a crapa chi cavuli oppuru porta i cavuli e dassa u lupu ca’ crapa. Ma t’ammaggini a crapa chi nci faci a guardia e’ cavuli o t’immagini u lupu chi nci faci i caraviòli a crapa. No Giuvanni non pot’essiri. Non sunnu cosi i’ chistu mundu. Esti sulu utopìa. Sulu utopìa, comu ti diciva prima. Giovanni: Allura tu pensi chi chidhu chi pinsai finaora esti sulu utopìa….. Carmelo: Sì, Giuvanni, esti sulu utopìa…… Comare Giuseppa passava da quelle parti. Ella stava andando da Peppe a ordinargli la bombola che stava finendo e non voleva rimanere senza ora che le feste di Natale si stavano avvicinando. Non riuscì a ascoltare per intero le ultime parole di Giovanni e Carmelo ma qualcosa rimase in testa anche se non ne capiva il significato. Che volete lei non era istruita. La scuola dell’obbligo, ai suoi tempi, si fermava alla terza. Però ci rimuginava sopra. Al ritorno della sua ambasciata si fermò a salutare i due. Giuseppa: Bonasira signori compari, era tantu tempu chi non vi vidivo sulla sulla chjazza, ndavivivo atri pinseri, stavivu mali o carchi atra cosa chi non si poti sapìri. Sapiti la vostra mancanza fu stata vista e la ggenti non sapiva chi mi pensa. Menu mali chi ora siti cca. Giovanni e Carmelo: Bonasira puru a vvui cummari Peppa, Stati tranquilla non ndi succidìu nenti, simu boni, sulu chi pinsavimu nde nostri casi. Sapiti com’è ogni tantu ndavimu bisognu mi stamu pi cuntu nostru. Vu’ comu siti. Giuseppa: Bona sugnu, u sapiti chi non mi lamentu mai…… ma putiva stari megghju. Nda stu mundu oramai non nc’è cchiù beni. Cu a voli cadda cu a voli fridda, cu a voli janca e cu a voli nira, non si capisci cchiù nenti. Ma chi bbuliti, eu sugnu vecchia, ndi vitti cosi storti ma i guai d’ora no mi si cunta e no mi si dici. Non nc’è cchiù u rispettu chi nc’era na vota…….. Giovanni: Vidisti Carmelu, puru cummari Peppa parra du rispettu…. Carmelo: Si, si capiscìa…. Ma simu sempri dhà…. Giuseppa: Cchiuttostu, datu chi sintìa i vostri discursi e sintìa chi parravuvu da’ Topìa, vi vuliva circari nu favuri. Giovanni: Tutto chidhu chi buliti ….. Giuseppa: Quandu vi capita chi jhti pa’ bbasciu, nda ssi consorzii, purtatimi na para i bustini puru a mmia, chi’ nadiu a casa china e non sacciu comu aju a fari mi distruggiu….Cu’ chissa medicina forsi mi cacciu davanti… Bho’… ora vi salutu chi va’ scuruliandu e vogghiessiri a casa prima mi scura du nettu. Stativi bboni e faciti boni festi. Carmelo: Stativi bona puru vui e stati tranquilla c’ampena putimu vi purtamu a medicina pi’ surici. Si avviò verso la sua dimora comare Giuseppa lasciando i due senza parole e più pinsirusi del solito. Carmelo: Vidisti Giuvanni……. a chi serbi l’utopìa….. Giovanni: Vitti Carmelu…… Giovanni e Carmelo si salutarono con un “ a bientot”, alla francese, e si avviarono in su e in giù verso le loro case ma poi ci ripensarono e si soffermarono un attimo guardando verso il cielo dove cominciavano a spuntare le prime stelle. Rimasero lì fin quando tutto il cielo divenne stellato e come ogni anno rivolsero i lori pensieri verso i parenti, gli amici ed i paesani lontani ed in cuor loro fecero gli auguri di Buone Feste di pace e di salute. Il Natale ormai era vicino. Frape dicembre 2011
|
||
|
|
