|
Avevo chiesto
l'autorizzazione a Peppe perché potessi pubblicare sul nostro sito
quello che continuamente lui condivide su facebook. Non ci sono parole
per spiegare cosa nasce nel cuore e nella mente leggendo queste sue
liriche. Se vi posso dare un consiglio: leggete lentamente e assaporate
la fragranza ed il profumo della nostra terra! io ho avuto questa
sensazione.
|
Na jurnata i
novembri
N’acquazzina,
scindi fina fina.
Mpastata i rrina,
da Libbia marina.
Acquicedda
divina,
umili e sensa spina.
Cangia calatura,
u celu si mpastura.
Stu sciroccu,
d’umitu mi ncroccu.
Percia na spericedda,
u suli na lumeredda.
Fogghji
pirduti,
nterra caduti.
Pi catrama e cimentu,
non su nutrimentu.
Du celu na
nzinga,
com’è mai mi sdinga.
A palora na singa,
gira raminga.
Nuddu cchiù
nzerta,
a vintura ch’è sperta.
U celu na cuverta,
sta terra scuncerta.
|
Torna, maisìa
Torna sensa
mi parti,
è u jocu di tri carti.
Tutta na finta,
com’a so tinta.
I so guverni
spraudèri,
ndi dassaru peju d’ajeri.
A Maddalena a migghjara,
l’euri nte so panàra.
E cundannati,
d’iddu su premiati.
O parramentu stati,
vi dassu siliati.
Cu sta leggi
lettorali,
i so porcati i tracandali.
Cu bossi s’a spartiru,
st’Italia si vindiru.
Ndi purtar’o
spasciu,
chi mi ndannu scasciu.
Ndi ntrapparu,
cu sapi cu i vutaru.
I so affari e
facendi,
s’i sbrigau sensa mi spendi.
A tanti mbiacau,p’i so caddi,
cu na vespa e ddu saddi.
Ora torna,mbitriatu,
prontu cu so triatu.
U so ddiu paganu,
trova udiensa o vaticanu.
Ora,a
medicina è mara,
stu Monti cerca mi ripara.
Sbagghja carchi ddosi,
debbuli e lavuru spini sensa rosi.
Torna sensa
mi parti,
è u jocu di tri carti.
Torna,cu dormi maisìa,
poi, nommi sbantasìa.
|
Buridda paisana
A paisi stranu fua,
luntanu da me rua.
Ddi raspacelu vardu,
u me coddu nu cardu.
Trammi e atabussi,
non sunnu lussi.
I machini su troppi,
mpestinu ch’i
so scoppi.
Simmafuri,a ogni passu,
d’i strisci non mi rrassu.
A città na mitropuli,
tanti su i so populi.
A genti a passu sbertu,
u so viòlu sapi certu.
Putiji e vitrini,
ti cunfundi a nseni fini.
Ma na cosa n’a capìa,
nu miraculu pi mmia.
Sensa buridda e mundizza,
i strati puliti na cuntintizza.
Sensa bidoni e cartuni,
comu fannu sti minchjuni!?
Viniti nti nui,
vi scialati puru vui.
A l’entrata d’i paisi,
busti e bidoni su beni misi.
Boncicrisci,
cu rriva no nsi ncrisci.
Rribba e hjumari,
su chini i vomitari.
I cu guverna a curpa,
u cittadinu scustumatu verna.
Cu poti llorda e latrìa,
sta povira terra mia.
A curpa è i tutti,
i cu grida e si ndi futti.
|
|
Tri cavaddi e nu sceccareddu
Nti na mangiatura,
all’aria perta i bon’ura.
Nu sceccareddu i varda,
a sti tri facc’i barda.
I superbia mmantati,
ancora non su mbarrati.
A hjaccapansa
a so malacriansa.
U maru sceccu ddiunu,
i pacensa si vesti pi ognunu.
C’a testa mbascia,
parusiatu non si scascia.
I tri no ndi ponnu,
pari chi nci veni u sonnu.
Na so vrdata,
è peju i na puntata.
Ddu maru s’a spetta,
e no nci duna rretta.
I frenu e jina,
sulu pagghjuzza fina.
I tri,ora su spansati,
longhi longhi curcati.
U sceccu ddi restatini,
si mangia sensa jastimi.
Ajutu e riparu,
nci dinnu a ddu maru.
Sunnu unchjati,
si sentinu trapassati.
A so vuci nu lamentu,
treminu pi spaventu.
Vonnu o vitrinariu,
stuppau u so tafanariu.
Curri sceccu,cercandillu,
stu favuri fandillu.
Ddu maru nu lampu,
sapi chi su sensa scampu.
O vitrinariu trova e porta,
chiddi su sensa sciorta.
U medicu i sti nimali,
sapi quali su sti mali.
Cu na pompa,
u cristeri spompa.
Mandinu tuttu,
su ddiuni e o sciuttu.
Rriva u patruni,
ppura i sti tri minchjuni.
O sceccu nci pripara,
a megghju biada cara.
U sceccu mangia ora,
a debulizza i ccora.
A capiru,
c’a so superbia rumpiru.
U sceccu pari nenti,
è frati veru e sapienti.
A capiru,
|
Terra ‘ngrata
Terra malata,
terra strazzata.
Terra sciuppata,
terra mbilinata.
Terra sciarrijata,
terra scutulata.
Terra mbarrata,
terra ffamata.
Terra bendata,
terra ssutterrata.
Terra sciamparata,
terra sciunijata.
Terra scoddijata,
terra scofinata.
Terra sdirrupata,
terra jettata.
Terra brusciata,
terra ssitata.
Terra macinata,
terra mfumicata.
Terra mbrijacata,
terra mbrudacata.
Terra spinsirata,
terra sensa spijata.
Terra spiegata,
terra spilazzata.
Terra pparigghjata,
terra ppojata.
Terra ngrata,
terra amata.
Terra disijata,
terra jocata.
|
Pinsèri muti
Passandu ntisi,
i so pinsèri mpisi.
Nduruti e sensa risi,
sti me muti paisi.
A so facci tisa,
na petra misa.
Passa lagnusa,
na cerba
curiusa.
Senti sti pinsèri,
sapi chissù veri.
I soi su spraudèri,
chjuppareddi liggeri.
Passa nu cavaddu,
sti pinsèri nu saddu.
I senti,
e pensa e so lamenti.
Passa na fujuna,
i sti pinsèri si dduna.
A so vita a currenda,
sissi ferma si smenda.
Passa vulandu,
na carcarazza parrandu.
I sapi sti pinsèri,
latricedda d’ajeri.
Passa l’acula riali,
vulandu ch’i so ali.
Senti sti pinsèri muti,
e a sti genti pirduti.
I fferra e s’i vola,
nti nu disertu i mmola.
Torna,i pinseri su lenti,
i genti,ora, su cuntenti.
|
|
U Casteddu
I so orra smendati,
spettinu disijati.
Furu ssediati,
e,ancora,bbandunati.
I ddu bastiuni,
ffinduti d’i bestiuni.
Nu brazzu i ferru llongatu,
spetta
rruggiatu.
A Rriggiu si spicciaru,
a Rriggiu sdillabbraru.
A Rriggiu si spinnaru,
a Rrigggiu mbrogghjaru.
Nu rumuri i ferraglia,
bbuci i marmaglia.
Cu sapi chi voli,
su tanti facc’i soli.
U casteddu spogghjatu,
spetta disolatu.
A Rriggiu sciogghjru,
a dassaru sensa rispiru.
Rriggiu,i tia dipendi,
dassa e strascinafacendi.
D’ITALU riparti,
a so lizzioni è vera arti.
|
Teresa, Teresina
Nasciu na siratina,
a chiamaru Teresina.
Pi st’impresa,
a chiamaru Teresa.
Cuntenta tutta Scilla,
i stu nomu si brilla.
Cusì,i matina,
i nomu è
Teresina.
Dopu menzjornu,pi difesa,
i nomu è Teresa.
Sintìu Chianalea,
e tutta si prea.
I dda banda Missina,
u so nomu è Teresina.
U casteddu d’i Ruffu,
senti nu ribuffu.
Sendu prumintina,
crisci Teresina.
Non è n’offesa,
Teresina e Teresa.
U mari zzannija,
a tutti si ngalapija.
I notti a luna si mbicina,
e parra cu Teresa Teresina.
|
Italu, u sintisti!
A stu riggitaneddu assissuri?
e i so palòri sensa russuri!
I sempri su palori covatizzi,
i nu tempu ndegnu e i marizzi.
I Rriggiu atri mali figuri,
evviva,evviva st’assissuri.
I Benigni s’a stricau,
c’a
Berrusconi nci cantau.
Si ndi jiu pi com’esti,
chi so festini e festi.
I casci ndi dassau vacanti,
e di mali figuri bastanti.
A Rriggiu u Cumuni sballau,
ora cu st’assissuri strambau.
Chi vistutu già nascìu,
poviru d’intra si pascìu.
L’Ebrei su i nostri frati,
perseguitati,sensa piccati.
E’ rriccu Benigni,
d’umana arti i so signi.
Ora,cerca scusa l’assissuri,
nci fujru sti palori scuri.
Italu,a to risicedda cunorta,
o Riggitanu chi non sumporta.
|
|
Orchisimia scrive
I nimici d’u Sud
Cu campa i ddrittiza,
cu trafica rrobba,
cu rapìu pirsuni,
cu mmazza,
cu ntrallazzìa,
cu pretend’a mazzetta,
cu faci clienteli,
cu faci sordi sensa lavuru,
cu campa cu l’assicurazioni fasulli,
cu menti focu,
cu ssutterrau vileni,
cu si misi d’accordu,
cu elimina a cuncorrenza,
cu fici e faci casi busivi,
cu si menti d’accordu ch’i cumpari,
cu cerca voti,a cu non s’hann’a circari,
cu prometti a l’amici,
cu dici:u statu è Roma,
cu rrobba i sordi i l’Europa,
cu rrobba i sordi i Roma,
cu rrobba nt’a sanità,
cu rrobba nt’e lavuri prubbici,
cu non menti cimentu,
cu menti bumbi,
cu tagghja cupertuni,
cu bbruscia machini,
cu si mmuccia dopu,
cu chiama a ll’amici,
cu trucca i concorsi,
cu si fingi poviru,
cu dici chi no nc’è nenti,
cu duna laurei e scecchi,
cu pprova a cu non studia,
cu raccumanda e figghi scecchi,
cu minaccia e pruvissuri,
cu è pruvissuri forzatu,
cu pprufitta d’u putiri,
cu è medicu forzatu,
cu sensa pecuri e crapi,
cu sfrutta a genti d’ogni culuri,
cu nci rrobba a busta paga,
cu ngiurìa o prossimu,
cu llodra e hjumari,
cu non differenzia a mundizza,
cu e i Cumuni chi n’a fannu,
cu e a Regioni ch’è ferma,
cu è onorevoli disoneratu,
cu è elettu sensa voti,
cu è sensa amici veri,
cu ndi rrobau i palòri,
cu costruju a mari,
cu pensa e caddi soi,
a scapitu i tutti,
cu a forestali si rricchju,
cu faciva a vedetta,
cu a ddi paisi dassau sensa spiranza,
cu guvernau e guverna,
cu nui chi stamu muti,
cu nui chi ndi futtimu,
cu nui chi ccu stranu l’avimu,
cu chi nui ndi ssorvimu,
cu dici chi no nc’è spiranza,
cu voli disuniri,
cu parra mali mbidiusu,
cu non pensa e so duviri.
|
L’orfaneddi
Dopu vint’anni,
i so prumissi furu danni.
Dopu na longa gunìa,
tanti orfaneddi i sta majia.
A occhi chiusi si fidaru,
finarmenti u truvaru.
Pi iddu seppi fari,
ora,ndi sapi sistimari.
Sordi,putiri e buttani,
cu si tinni i so panzani.
Pi iddu u parramentu,
libbirazioni e turmentu.
O lastricu ndi portau,
ora si scarricau.
P’i rricchi l’ici cacciau,
ora l’imu ndi ttrassau.
A cambiala firmau,
cu l’Europa dassau.
Bossi com’a nu pipi,
u tricolori vuliva tripi tripi.
L’orfaneddi u vutaru,
forsi,si virgognaru.
Pi sta nchjappatina,
i mattani sunnu na spina.
Pur’a rricca burghisìa,
ora,s’a senti e pinìa.
U giuvini laureatu,
cu l’operaiu disoccupatu.
I nostri impresi,
d’i banchi sunnu offesi.
U mutuvu p’a casa,
debbitu chi sfasa.
Dda nterra simu,
jazzamundi e reagimu.
O strascinafacendi,
dassatilu chi ndi ffendi.
|
I sira n’umbra janca
I notti si umbrija,
janca girija.
A ncerca i cu sia,
nti dda rrocca mia.
N’umbra i tandu,
mi vaju carrijandu.
A ncerca i paci,
nti stu paisi i straci.
Carcunu mi mburra,
passandu d’a Pizzurra.
Sulagna Sutìra,
nuddu dda rispira.
Pi Santa Maria,
u serpenti si currija.
A cisterna vacanti,
du ventu i so canti.
A Portaterra perta,
dda notti non fu a ll’erta.
A Bastia dda vicina,
sensa luna si spina.
Sugnu l’umbra sperta,
nuddu mi nzerta.
N’umbra chi spetta,
a ccu veni e mi rispetta.
Sensa paura viniti,
i me caji mi guariti.
Bella genti u sapiti,
rricchi i paci mi siti.
|
|
Pippo
U Signuri nu jornu si fermau,
dall’addu Melitu vardau.
Stu paisi è assai poviru,
aund’è cu
ricoveru.
Nta so randi buntà,
a Pippu faci nasciri cca.
A stu paisi nducisci,
i vita u rricchisci.
Pippu c’a so palora vera,
pi tutti è na lumèra.
Ricivi carchi tortu,
com’a Cristu risortu.
Pi tutti a so risata,
na luci i bona jurnata.
Pippu rriccu d’umiltà,
pi stu paisi i dassimistà.
Pippu è i famigghja,
pi stu paisi i pigghja pigghja.
Pippu dun a spiranza,
pi stu paisi i panza.
Pippu puru patìu,
a Villa Falcu trova ricriju.
E’ disegnu du Ternu Ddiu,
pi stu paisi i cìucìu.
Pippu nostru frati,
duna cunsigghji pusati.
A cu senti superbiusu,
Pippu nci ridi sapientusu.
|
A pignolata
U Santu Natali na vota,
p’a genti na rota.
Girava a mbacanti,
e a tavula vacanti.
Pi ccu putiva,
ddu crispeddi frijva.
A pansa jinchiva,
u cavulihjuri bugghjva.
Pi ccu megghju stava,
u piscistoccu cucinava.
Sta tavula era rricca,
no assai,ma picca picca.
P’i gnuri ddi mari,
i capuni erinu pari.
D’ogni ben’i Ddiu,
a so tavula santu ricriju.
Cuntu vuliva du fatturi,
duranti l’annu u gnuri.
S’i capuni erinu crisciuti,
d’i giardinari beni pasciuti.
I gnuri,d’animu bboni,
nu poch’i farina i so doni.
I mugghjeri d’i giardinari,
si davinu dafari.
O paisi vecchju,nt’e furni,
spittand’e so turni.
I farina nu mpastu,
cu carc’ovu mi dastu.
Cusì a pignolata,
cu gileppu mbentata.
Cu na brascerata i focu,
Santu Natali cu nenti o pocu.
|
Tutti cca simu
I l’ambulatoriu niscendu,
Peppi mi jiu dicendu.
A Rriggiu o
spitali,
u camulijava ddu mali.
Fu l’urtima vota c’u vitti,
l’urtimi palòri a mia ditti.
Peppi,pirsuna bona e sincera,
cori moddu e a so vita vera.
Du reparto,ancora,
Angilu Costarella nesci fora.
I duluri sofferenti,
e tanti sbilimenti.
Angilu pirsuna bona e sincera,
cori moddu e a so vita vera,
Tutti i ddui lavuraturi,
Melitoti seri e i valuri.
Pi ddu ternu viaggiu partiru,
tutt’i ddui aniti si ndi jiru.
U so jornu prestu brisciva,
a so risicedda a tutti cogghjiva.
Nu flagellu su sti mali,
chini su i spitali.
I vileni sunn’assai,
ssutterrati e nto mangiari chi ndai
I vileni sunn’assai,
machini e mangiari,u sai.
Vileni ssutterrati,
e poi nta tavula consati.
E,a Salina pi finiri,
n’a vonnu capiri,
c’u carbuni ndi ggiusta,
p’i so prufitti,troppu ndi custa.
|
Tutti
cca simu
I l’ambulatoriu niscendu,
Peppi mi jiu dicendu.
A Rriggiu o spitali,
u camulijava ddu mali.
Fu l’urtima vota c’u vitti,
l’urtimi palòri a mia ditti.
Peppi, pirsuna bona e sincera,
cori moddu e a so vita vera.
Du reparto,ancora,
Angilu Costarella nesci fora.
I duluri sofferenti,
e tanti sbilimenti.
Angilu pirsuna bona e sincera,
cori moddu e a so vita vera,
Tutti i ddui lavuraturi,
Melitoti seri e i valuri.
Pi ddu ternu viaggiu partiru,
tutt’i ddui aniti si ndi jiru.
U so jornu prestu brisciva,
a so risicedda a tutti cogghjiva.
Nu flagellu su sti mali,
chini su i spitali.
I vileni sunn’assai,
ssutterrati e nto mangiari chi ndai
I vileni sunn’assai,
machini e mangiari, u sai.
Vileni ssutterrati,
e poi nta tavula consati.
E, a Salina pi finiri,
n’a vonnu capiri,
c’u carbuni ndi ggiusta,
p’i so prufitti, troppu ndi custa.
|
A Luna
Stasira a
luna,
d'idda sula
si dduna.
I notti
scindi u sirinu,
si spandi
finu finu.
Stasira a
luna,
tunda si
duna.
U lupu
minàriu,
cerca
ripàriu.
Stasìra a
luna,
tunda ndi
sduna.
Esti nuda,
sensa vesti
non suda.
Stasira a
luna,
i luci ndi
mbuna.
Non si
llanduna,
a notti è
bruna.
Stasira a
luna,
i notti è
una.
A ncelu si
mpendi,
a so luci
non ffendi.
Stasira a
luna,
è sensa
curuna.
I notti
regina,
a so luci
non spina.
Stasira a
luna,
si ferma a
ll'una.
Sta terra
varda,
e i so facc'i
barda.
Stasira a
luna,
non è
mamuna.
Ridi sendu
tristi,
troppu cosi vidisti.
|
|
 |
