Fussatoti  pinsirùsi  2

 Giuvanni,  Carmelu  e  ………

 

Giuvanni e Carmelu oramai èrinu di stanza in piazza Municipiu. Carchi giuvinottu schirzusu s’era pigghjatu u tempu e u spassu mi nci scrivi u nomu nda panchina. Cu pacenza e arti, zzittu tu e non parru eu, ca punti du cutidhuzzu ntarsiàu sta bella frasi: “Panchina risarbata pì l’amici Giuvanni e Carmelu”. E quandu rruvavunu, unu d’ammunti e l’atru d’abbasciu, a panchina era sempri libira, e puru s’era ccupata, si libirava a vvolu. Cu nc’era nc’era si jazzava e nci cidiva u postu, cu tantu piaciri e jva puru pu cafè, comu o solitu. I ddu’ amici pigghjavinu postu cu tanti ringraziamenti a tutti l’atri amici da chjazza. Pì dducazioni e pì sapiri fari né rruvava nudhu. Pì chistu e atri cosi erinu assai benvuluti. Pinsàvinu tra idhi, ma parravunu cu tutti e certi voti ntornu a idhi si faciva rota e quandu si scambiavinu i pinsèri,…. tutti muti !  Nc’era di scutàri e nc’era puru di mparari.

Cusì passau tutta l’estati e ora chi rruvàu u mbernu Giuvanni e Carmelu sunnu sempri dhà, magari rradiàndu l’appuntamenti, ma a duminica non mmancunu mai. Ntabbarrati ndè cappotti, ca birritta ntesta, nguanti i’ lana, pprufittunu di dha para d’uri i suli. Ma sunnu dhà, ssittati nda panchina.

Carmelo:     Giuvanni òi ti viu bbonu, a pipa tira chi pari na ciminera, si senti u prufumu du tabaccu.  Ti vò caddjari puru i primùni ? Pensu propiu di sì, òi faci npocu i frischicedhu.

Giovanni:    Pensi giustu Carmelu, pirchì non ti dhùmi u sicarru puru tu.

Carmelo:     Pinsasti mali, Giuvanni, u sai chi non fumu.

Giovanni:    U sacciu chi non fumi, ma pinsava chi na stampa i caddicedhu sutt’ò nasu non tì faciva mali.

Carmelo:     E ambèci mi faci mali…. cchiuttostu stava pinsàndu, sempri si tu a pensi com’a mmia, chi    putivimu fari nu pinsèru mi parramu di’ fatti novi chi stannu succidendu ndo nostru paisi. Ndavi du misi i lugliu chi stanno succidendu cosi chi non erinu mai succidutu. Chì pensi i stà ssociazzioni chi ficinu sti “quattru” giuvinotti, è na cosa bbona pù paisi o no ?

Giovanni:   Dimmi chi pensi prima tu, a po’ ti dicu chidhu chi pensu eu.

Carmelo:    Cusì vvoi, allura ti dicu chidhu chi pensu eu. Eu pensu ch’è na cosa chi faci pinsàri. In primis  pirchì si ficinu nu Statutu, registratu a chidhu chi na vota si chiamava Ufficiu du Rigistru, ora si chiama Aginzia dill’ Entrati, cu tantu i’ carti bullati e marchi i’ bullu. E già partiru cu pedi giustu! Vonnu fari i cosi in regula ed eu pensu chi non sbagliunu. Sicundu, eu mi liggìa tutti l’articuli e mi pari chi non nc’è nenti fora postu. Nenti pulitica, nenti partiti, amici cu tutti e nimici cu nudhu. Tutti ponnu cuntrullari  ndò PC e si carcosa na vidinu giusta à ponnu signalari. E tutti ndannu facoltà mi dinnu a sua, puru mi criticannu. Esti na cosa pi tutti. Anzi sti “giuvinotti” vonnu mi partecipannu tutti. Chidhu chi vonnu fari e fannu esti dedicatu a tutti i Fussatoti. Non sulu a chidhi chi sunnu cca, ma soprattuttu e’ nostri paisani chi sunnu i’ fora e pi mezzu di internetti è u stessu chi                 sunnu cca. Ndannu notizzii, vidinu fotografii…..

Giovanni:  Ferma, ferma, non jri i cursa ! Non capiscìa na palòra chi dicisti ora ora. Chi ncintra l’Inter. Sì pensi ma voti  ndo palluni, mi jazzu e mi ndi vaiu. Tu u sai ch’eu niscìa juvintinu, criscìa juvintinu e quandu moru, moru juvintinu. E po’ dicisti chi no ssu mbischiati ca pulitica e subitu zziccasti u P.C. Cangia discursu si vo’ mi ti  scutu, sinnò mi jazzu e mi ndi vaju.

Carmelo:  Ma no, chi capiscisti.Ti spirdisti u latinu chi studiammu a scola. Eppuru u  bonanima i don Angiulu pi’ tant’anni a missa a dissi in latinu e carcosa ndavimu a ricurdari. “In primis”, si mi rricordu bbonu, voli diri “pi’ prima cosa”, e internetti è na palòra composta da “inter” chi voli diri “tra, oppuru “fra”, e “net” chi esti na palòra ngrisi chi voli diri “rete”.

Giovanni:   …..E  ttorna…chi vo’ diri chi l’Inter fici golli, chi misi u palluni nda riti ?

Carmelo:  Bbonu sì, pensu chi òi ancora u to’ cirivedhu non si misi a motu. Stuta ssa pipa, pari cu fumu ti nnebbiau u cirivedu. Nda tò testa pari chi trasìu u sciroccu e dassau na quagghjatina. Forajabbu, pari chi nnimalisti ! Ora mi cunfundi puru u “Personal Computer” ca sicla du partitu puliticu. Chi mi ncintra! Mancu si nò llavvivi puru tu u Computer a casa. Mancu si non eri lavuratu mai cu nu computer. Senti Giuvanni pensu ch’è megghiu mi ti duni na sciaqquata nda funtanedha cca vicinu, speru chi l’acqua frisca ti schjarisci nu pocu i sintimenti, datu chi l’aria non ti faci effettu.

Giovanni:  E vva bbonu, fazzu comu dici tu, ma tu pì nu pocu non pinsàri, chi po’ nci pensu eu.

Carmelo:   ...................   ...................  ................. .................. .................. ............

Giovanni : ...................   ...................  ................. .................. .................. ............

Carmelo :  Pinsàsti Giuvanni ? O stà pinsàndu ancora ?

Giovanni:  Staju pinsàndu, ma dàssimi mi pensu n’atru pocu.

Carmelo:   Pensa puru quantu vòi, ma pensa chi stà pinsàndu chidhu chi pinsài eu.

Giovanni:  E cu tu dissi ! Chi ddivintasti, u magu Merlinu chi sapi leggiri nda testa ?

Carmelo:   Ma no ! Ti spirdisti chi ndu dissi Sarbaturi, l’atra vota. Ndi dissi chi nui a pinsamu o stessu modu. Eppoi jazza l’occhi, guarda cchiù supra e cunta i puntini, non vidi chi ssu i stessi ? Stessi puntini, stessi pinsèri ! O no ? Giovanni: Uhmm….. forsi ndà raggiuni, i pinsèri sunnu i stessi. Risguardu a chista Associazioni di Fussatoti ndo mundo, non è na cosa mala, anzi mi piaci assai. Chidhu chi cumbinaru ndo misi d’agusto è rrobba mi si cunta. Vidisti quantu cristiani nc’erunu nda chjazza ? Non sulu Fussatoti i Fussatu, ma quantu paisani chi vinninu i fòra ! Da Calabria, i’ Carditu, du nord’Italia, da Francia, da Girmania, da Sbizzira e carcunu vinni puru du Canadà ! Quantu bbanderi o ventu, supra u ponti du serru, strati strati, paisi paisi ! chi grandi divertimentu: Cù sunava, cù ballava, cù cantava, cù ciangìva da tanta gioia e cummozioni. Ggenti chi non si vidivinu i cù sapi quantu tempu chi si mbrazzavunu com’e’ figghjoli. Eppoi tutti dhi jochi di’ na vota, dhi strati strati. E quantu musica ! I tamburinari chi’ sunavunu da matina a sira, non si stancavunu mai. E cchi partecipazzioni ! Fimmini, omini, figghjoli e vecchiaredhi, signurini, giuvinotti, schètti e maritati ! I seggi mi si ssettinu non bastavunu e carcunu sì purtau da casa. Chi soddisfazzioni,  e chi cuntintizza ! A’ fini non ndavivunu cchiù bbuci.

Carmelo:  Bbonu, càrmiti, pigghja shjàtu. Vidisti chi dhà rinfriscata ti fici beni! ora nd’avimu a mentiri in pinsèru mi pigghjamu na dicisioni. A mìa mi pari ch’è ura mi nci facimu a capiscìri chi simu cu idhi e chi mintìmu a disposizzioni tuttu chidhu ch’esti  a nostra canuscenza e cumpitenza, ma pì prima cosa esti giustu mi ndi tesseramu puru nui, cusì divintamu soci e nci damu na manu cu tuttu u cori. Ndavimu a fari canusciri e si ndi dununu spaziu nci damu tutta a nostra collaborazzioni.

Giovanni: Ma tu si ssicuru chi non ndi canusciunu ggià ? Pensi chi non sannu  ggià cu simu?                   

Carmelo: U sannu, u sannu, carcunu mi frischijau chi forsi simu ggià supra a internet          

Giuvanni:  Tu chi ddici ! Focu meu ! Tutti i nostri pinsèri, i nostri palòri…..

Carmelo: …..E puru chidhi i’ Sarbaturi. Ma non ti crijari problemi…….

Giovanni: … Chi’ figura !!?!! Armenu erimu pututu parrari in Italiano. Cu sapi chi pensinu i nostri paisani… chi malavidùta !!?!!

Carmelo: Ti dissi non mi ti crei problemi, statti quetu! Mi rruvau nda ricchj chi sunnu puru contenti i “giuvini” i ll’Assosciazioni, ncì stà beni mi pinsàmu e mì parràmu u nostru dialettu. U sapìvi chi nc’esti nu paisi dà Puglia aundi, a sò parrata esti cchiù o menu comu a nostra e parrunu e scrivunu com’a nnui? Quandu mi rricordu ti dicu comu si chiama stu paisi, Ma pi ccamora vonnu u nostru mpegnu.Vonnu mi cuntinuamu cusì. Pinsàmu e parramu u dialettu! Armenu u tinimu vivu, no’ dassamu mi mori. I nostri paisani a ngiru pu mundu, liggendu si rricordunu a so’ figghiulanza, nciù ponnu nsignari e so’ figghj, e so’ niputi. Chi pensi, Giuvanni?

Giovanni: Chi vo’ mi pensu. Pensu chi si stà facendu scuru e forsi è ura mi ndi ricugghjmu pi nostri casi. Ncumincia mi si senti u friscu da notti, guarda u celu, mi schjantu chi stanotte jetta jelu.

Carmelo: …..E dassa mu jetta, cusì morinu i nsetti e nda stati mangiamu frutta bbona. Cchiuttostu, datu chi simu ccà, pirchì no’ pprufittamu mi nci mandamu npocu i saluti e d’agùri e’ nostri Fussatoti chi su’ lontani. Ora  veninu i festi, i festi randi, e, cu sti mali tempi, non tutti tornunu a Fussatu.

Giovanni: E si poti fari ? E cumu si faci ?

Carmelo:  Esti tantu facili chi mancu tu’ nsonni. Pensa e parra, e fallu puru pì mmia, cusì no’ ripitimu i stessi cosi. Mmàggina chi ti passunu davanti a unu a unu, dinci chidhu chi ti passa pa’ menti.

Giovanni: Mpussibuli, sunnu assai. Sunnu cchiù idhi chi ssu i’ fora ca nui chi simu ndo paisi. Ma guardandu a stidha chi sta spuntantu mmagginu chi viu tutti e nci dicu: A vvui Fussatoti di Fussatu, a vvui chi siti pì l’Italia, a vvui chi siti a Francia, a Spagna, a Sbizzira, a Girmania, a l’Inghirterra, all’Australia, ndi tutti l’Americhi, o Canadà, ndè Stati Uniti, o Brasili e all’Argintina, a Nova Calidonia, aundi siti siti, ndi tutti i cuntinenti, l’aguriu  cchiù randi chi vvi putimu fari esti mi vi sintiti vicini a nnui comu nui ndi sintimu vicini a vvui, mi ndaviti a saluti, a paci ndè vostri casi e cu tutti i canuscenti, parenti e paisani e puru chi popolazzioni chi vi ospitannu. A nnomu meu, di Giuvanni e puru  i’ Sarbaturi, chi’ ndavi nu pocu i tempu chì no vidimu. Giuvanni tu nda’ notizzii i’ Sarbaturi, sa’ nenti ?

Giovanni: Sacciu, sacciu. Sarbaturi i’ sti tempi ndavi chiffàri, ma torna prestu, non ti prioccupari. U vidimu prestu.................

 P.S. :   ......E mentre Giovanni e Carmelo si avviano verso le loro case, prima che il freddo diventi più pungente, anche chi scrive si associa ai loro pensieri e alle loro parole, per i vicini e per i lontani. “Pì tutti i Fossatoti ndo mundu”, in attesa, come stava dicendo Giovanni, del ritorno di….. “SALVATORE”.

Francesco Pellicanò 17/12/2007                                     (Cuntinua)

                       VAI A FUSSATOTI PINSIRUSI N° 3